சாலையை கடக்க நின்றிருந்த இருவர் மீது கார் மோதியதில் இருவரும் படுகாயம்

நாமக்கல் மாவட்டம் குமாரபாளையம் பல்லக்காபாளையம் பகுதியில் உள்ள தனியார் கல்லூரியில் பி.டேக், மூன்றாம் ஆண்டு படித்து வருபவர் மணிபாரதி, 20, அதே பகுதியில் உள்ள தனியார் ஸ்பின்னிங் மில் தொழிலாளி அர்ஜுன்ராம், 50. அக். 7ல் மாலை 06:45 மணியளவில் இருவரும் கல்லூரி எதிரில் உள்ள கடையில் டீ குடித்து விட்டு சாலையை கடக்க நின்று கொண்டிருந்தனர். அப்போது சென்னையில் இருந்து வந்த ஹோண்டா கார் இவர்கள் மீது மோதியதில் இருவரும் பலத்த காயமடைந்தனர். இவர்கள் தனியார் மருத்துவமனையில் சேர்க்கப்பட்டுள்ளனர். இது குறித்து வழக்குப்பதிவு செய்த குமாரபாளையம் போலீசார் கார் ஒட்டுனர் பிரனேஷ்வரன், 30, என்பவரை கைது செய்தனர்.