வாசுதேவநல்லூரில் திமுக மருத்துவ அணி சார்பில் மாபெரும் இலவச மருத்துவ முகாம் நடைபெற்றது

தென்காசி வடக்கு மாவட்ட திமுக மருத்துவ அணி சார்பில் மாபெரும் இலவச மருத்துவ முகாம் நடைபெற்றது. தமிழ்நாடு துணை முதல்வர் உதயநிதி ஸ்டாலின் ஆணைக்கிணங்க தென்காசி வடக்கு மாவட்ட திமுக மருத்துவ அணி சார்பில் தென்காசி மாவட்டம் வாசுதேவநல்லூர் தனியார் திருமண மண்டபத்தில் வைத்து மாபெரும் இலவச மருத்துவ முகாம் தென்காசி வடக்கு மாவட்ட திமுக செயலாளர் ராஜா எம்எல்ஏ, தலைமையிலும், தென்காசி நாடாளுமன்ற உறுப்பினர் டாக்டர்.ராணி ஸ்ரீகுமார் முன்னிலையிலும் நடைபெற்றது. இந்த நிகழ்ச்சியில் மருத்துவ அணி நிர்வாகிகளான மருத்துவர்கள் ராதா, மணிகண்டன், செண்பக விநாயகம் உள்ளிட்ட மருத்துவர்கள் மருத்துவம் பார்த்தனர். இதில் 500-க்கும் மேற்பட்ட நோயாளிகளுக்கு கல்லீரல் நோய்,சர்க்கரை நோய், இருதய நோய்கள் , சிறுநீரக நோய்கள், மஞ்சள் காமாலை, எலும்பு சம்பந்தப்பட்ட நோய்கள் உள்ளிட்ட அனைத்து நோய்களுக்கும் மருத்துவம் பார்த்தனர். மேலும் இந்த நிகழ்ச்சியில் தலைமை செயற்குழு உறுப்பினர் யு.எஸ்.டி சீனிவாசன், மாவட்ட மருத்து அணி தலைவர் டாக்டர்.சுமதி உள்ளிட்டார் கலந்து கொண்டனர்.