டூவீலரில் சென்ற வெற்றிலை வியாபாரி மண் திட்டில் சரிந்து கீழே விழுந்து பலி

ஈரோடு மாவட்டம், பெருந்தலையூர் பகுதியை சேர்ந்தவர் வெற்றிலை வியாபாரி செல்வம், 55.  இவர் வெற்றிலை வியாபாரம் சம்பந்தமாக பல ஊர்களுக்கு சென்று விட்டு, குமாரபாளையம் அருகே சேலம் கோவை புறவழிச்சாலை எஸ்.எஸ்.எம். பொறியியல் கல்லூரி உள்ள சாலையில் நேற்றுமுன்தினம் பகல் 12:00 மணியளவில் வந்த போது, அங்கு கொட்டி வைத்திருந்த மண் குவியலில், தனது ஹீரோ டீலக்ஸ் டூவீலரை விட்டதில், சரிந்து கீழே விழுந்து அருகில் உள்ள இரும்பு போர்டில் மோதியதில் பலத்த காயமடைந்தார். இவரை அக்கம் பக்கம் உள்ளவர்கள் தனியார் ஆம்புலன்ஸ் மூலம் குமாரபாளையம் அரசு மருத்துவமனைக்கு கொண்டு சென்றனர். பரிசோதித்த டாக்டர் இவர் இறந்து விட்டார் என கூறினார். இது குறித்து இவரது மகன் கண்ணன், 27, குமாரபாளையம் போலீசில் விசாரணை நடத்தி வருகின்றனர்