வெண்ணந்தூர் ஒன்றியத்தில் கலைத் திருவிழா கோலாகலம்:

நாமக்கல் மாவட்டம், வெண்ணந்தூர் ஒன்றியத்திற்குட்பட்ட அரசு ஆண்கள் மேல்நிலைப்பள்ளி, அத்தனூர் அரசு மேல்நிலைப்பள்ளி மற்றும் இரா.புதுப்பாளையம் அரசு மேல்நிலைப்பள்ளி ஆகிய 3 குறுவளமைய பள்ளிகளில் 24.10.24அன்று கலைத்திருவிழா போட்டிகள் நடைபெற்றன. இதனை வெண்ணந்தூர் அரசு ஆண்கள்மேல்நிலைப்பள்ளி தலைமையாசிரியர் திரு.கே.நடராஜன் மற்றும் வட்டார கல்வி அலுவலர் திருமதி.ப.வளர்மதி ஆகியோர் துவக்கி வைத்தனர். ஒன்று முதல் ஜந்தாம் வரையிலான மாணவர்களுக்கு ஆத்திச்சூடி ஒப்புவித்தல், ஆங்கில கவிதைகளை பாடுதல், மாறுவேடப் போட்டி, வண்ணம் தீட்டுதல், கதை கூறும் போட்டிகள் நடைபெற்றன. மூன்று முதல் ஜந்தாம் வகுப்பு வரை படிக்கும் மாணவ, மாணவிகளுக்கு திருக்குறள் ஒப்பித்தல், பேச்சுப்போட்டி, மாறுவேடப்போட்டிகள், களிமண் பொம்மை செய்தல், பரதநாட்டியம், நாட்டுப்புற நடனம் உள்ளிட்ட போட்டிகள் நடைபெற்றன. இதில் வெற்றிபெறும் மாணவ, மாணவியர் வட்டார அளவிலான நடைபெறும் போட்டிகளில் பங்கேற்பர்கள் என தெரிவிக்கப்பட்டது. வட்டார வளமைய மேற்பார்வையாளர் சுந்தரராஜன், ஆசிரியர் பயிற்றுநர்கள் மற்றும் சிறப்பு ஆசிரியர்கள் இந்நிகழ்ச்சிக்கான அனைத்து ஏற்பாடுகளையும் செய்திருந்தனர்.