வித்யாநிகேதன் இன்டெல் பள்ளி சார்பில் போதைப்பொருள் ஒழிப்பு விழிப்புணர்வு பேரணி

நாமக்கல் மாவட்டம் ராசிபுரம் அருகேயுள்ள தேங்கல்பாளையம் வித்யாநிகேதன் இன்டெல் பள்ளியின் சார்பில் போதைப்பொருள் ஒழிப்பு, புற்று நோய் விழிப்புணர்வு குறித்த பேரணி அண்மையில் நடைபெற்றது. பள்ளியின் தலைவர் பி.நடராஜன் வழிகாட்டுதலில் நடத்தப்பட்ட மல்லூர் பகுதியில் நடைபெற்ற இப்பேரணியின் துவக்க விழாவில் பள்ளியின் முதல்வர் எம்.உமா தலைமை வகித்தார். வெண்ணந்தூர் காவல்துறை உதவி ஆய்வாளர் கோவிந்தராஜ் பேரணியை துவக்கி வைத்தார். இப்பேரணியில் கிராமப்புற பகுதிகளில் விழிப்புணர்வு ஏற்படுத்தும் வகையில் வாசகங்கள் அடங்கிய பதாகைகள் ஏந்தியவாறு மாணவ மாணவியர் சென்றனர்.