திருவேங்கடத்தில் போதைப் பொருள் தடுப்பு விழிப்புணர்வு நிகழ்ச்சி

தென்காசி மாவட்டம் சங்கரன்கோவில் அருகே திருவேங்கடம் அரசு மேல்நிலைப் பள்ளியில் வைத்து போதைப் பொருள் தடுப்பு விழிப்புணர்வு நிகழ்ச்சி இன்று நடைபெற்றது. இந்த நிகழ்ச்சியில் பள்ளி தலைமை ஆசிரியை மனோகரன் வரவேற்றார். திருவேங்கடம் பெண் தலைமை காவலர் கவிதா தலைமையில் போதைப் பொருட்களை பயன்படுத்துவதால் ஏற்படும் பாதிப்புகள் மற்றும் தடுப்பு நடவடிக்கைகள் குறித்தும், குழந்தை தொழிலாளர் தடுப்பு சட்டம், போக்சோ மற்றும் கல்வி மேம்பாட்டு திறன் குறித்து மாணவ மாணவிகளுக்கும் விழிப்புணர்வு ஏற்படுத்தப்பட்டது. இந்த நிகழ்ச்சியில் ஆசிரியர் பொன்னரசன், திருவேங்கடம் காவலர் மலையாண்டி மற்றும் சீதாலட்சுமி உள்ளிட்ட ஏராளமான மாணவ மாணவிகள் மற்றும் ஆசிரியர்களும் கலந்து கொண்டனர்.