நாமக்கல் கிழக்கு மாவட்ட திமுக சார்பில், வார்டு வாரியாக பூத் கமிட்டி அமைக்கும் பணி தொடங்கியது!

2026ம் ஆண்டு சட்டசபை தேர்தலுக்காக, திமுக தலைமை அறிவிப்பின்படி, நாமக்கல் கிழக்கு மாவட்ட திமுக சார்பில், வார்டு வாரியாக பூத் கமிட்டி அமைக்கும் பணி இன்று முதல் (நவம்பர் 6) தொடங்கி நடைபெற்று வருகிறது இது குறித்து, நாமக்கல் கிழக்கு மாவட்ட திமுக செயலாளர் K.R.N. இராஜேஸ்குமார், MP வெளியிட்டுள்ள அறிக்கையில் கூறியுள்ளதாவது... நாமக்கல் கிழக்கு மாவட்டத்தில், ஒன்றியம், நகரம், டவுன் பஞ்சாயத்து பகுதிகளிலும், கிராம பஞ்சாயத்து பகுதிகளிலும், வார்டு வாரியாக பூத் கமிட்டி (பிஎல்2) உறுப்பினர்களை சரிபார்த்து மாற்றி அமைக்கும் பணி சம்மந்தப்பட்ட, சட்டசபை தேர்தல் தொகுதி பார்வையாளர்கள் முன்னிலையில் நடைபெற உள்ளது.

நாமக்கல் சட்டசபை தொகுதி மேலிட பார்வையாளர், மாநில சிறுபான்மையினர் நல உரிமைப்பிரிவு துணை செயாலாளர், முனவர் ஜான் முன்னிலையில், நவம்பர் 6ம் தேதி நாமக்கல் தெற்கு, மேற்கு நகரம், 7ம் தேதி நாமக்கல் கிழக்கு நகரம், 9ம் தேதி புதுச்சத்திரம் வடக்கு ஒன்றியம், 10, 11ம் தேதி நாமக்கல் ஒன்றியம், 12ம் தேதி மோகனூர் டவுன் பஞ்சாயத்து, 12, 13ம் தேதி மோகனூர் ஒன்றியம், 14ம் தேதி புதுச்சத்திரம் தெற்கு ஒன்றியம் ஆகிய இடங்களில் வார்டு வாரியாக பூத் கமிட்டி கூட்டம் நடைபெறும்.

சேந்தமங்கலம் சட்டசபை தொகுதி பார்வையாளர், மாநில மகளிர் தொண்டரணி செயலாளர் ரேகா பிரியதர்ஷினி முன்னிலையில், நவம்பர் 6ம் தேதி சீராப்பள்ளி, நாமகிரிப்பேட்டை டவுன் பஞ்சாயத்து, நாமகிரிப்பேட்டை ஒன்றியம் (4பஞ்சாயத்து), 7ம் தேதி எருமப்பட்டி ஒன்றியம், 8ம் தேதி எருமப்பட்டி ஒன்றியம் மற்றும் எருமப்பட்டி டவுன் பஞ்சாயத்து, 9ம் தேதி சேந்தமங்கலம் ஒன்றியம், சேந்தமங்கலம் டவுன் பஞ்சாயத்து, காளப்பநாய்க்கன்பட்டி டவுன் பஞ்சாயத்து, 10ம் தேதி சேந்தமங்கலம் ஒன்றியம், 11, 12ம் தேதி கொல்லிமலை ஒன்றியம், 13ம் தேதி மோகனூர் ஒன்றியம் 2 பஞ்சாயத்து மற்றும் நாமக்கல் ஒன்றியம் 1 பஞ்சாயத்தில், பூத் கமிட்டி கூட்டம் நடைபெறும்.

ராசிபுரம் சட்டசபை தொகுதி தொகுதி மேலிட பார்வையாளர், மாநில நெசவாளர் அணி தலைவர் நன்னியூர் ராஜேந்திரன் முன்னிலையில், நவம்பர் 9ம் தேதி நாமகிரிப்பேட்டை ஒன்றியம், 10ம் தேதி வெண்ணந்தூர் ஒன்றியம், 11ம் தேதி ராசிபுரம் ஒன்றியம், பட்டணம் டவுன் பஞ்சாயத்து, 12ம் தேதி ராசிபுரம் ஒன்றியம், பிள்ளாநல்லூர் டவுன் பஞ்சாயத்து, 13ம் தேதி ராசிபுரம் நகரம், 14ம் தேதி வெண்ணந்தூர் ஒன்றியம், வெண்ணந்தூர், அத்தனூர், ஆர்.புதுப்பட்டி டவுன் பஞ்சாயத்துகளில் வார்டு வாரியாக பூத் கமிட்டி கூட்டம் நடைபெறும். பூத் கமிட்டி உறுப்பினர்கள் மற்றும் சம்மந்தப்பட்ட பகுதி கட்சி நிர்வாகிகள் அனைவரும் கூட்டத்தில் தறாமல் கலந்துகொள்ள வேண்டும் என கே.ஆர்.என். இராஜேஸ்குமார் எம்.பி., தெரிவித்துள்ளார்.