ராசிபுரத்தில் ஆன்மிகம் ஓர் அறிமுகம் என்ற யோகா பயிற்சி நிறைவு விழா..

நாமக்கல் மாவட்டம் ராசிபுரம் மனவளக்கலை மன்றம் அறக்கட்டளை சார்பாக ஆன்மிகம் ஓர் அறிமுகம் என்ற அடிப்படை பயிற்சி வகுப்பு 21.10.24 முதல் 29.10.24 வரையில் ஸ்ரீ வித்யாமந்திர் பள்ளி, இராசிபுரத்தில் அனைத்து ஆசிரியர்கள், அலுவலக பணியாளர்கள் மற்றும் அறங்காவலர்கள் அனைவருக்கும் சிறப்பாக வழங்கப்பட்டது. இந்தப் பயிற்சியில் எளியமுறை உடற்பயிற்சி, காயகல்பப்பயிற்சி மற்றும் தவங்கள், தத்துவ விளக்கங்கள் வழங்கப்பட்டது. இதில் 40 பயிற்சியாளர்கள் கலந்து கொண்டனர். பயிற்சி அளித்த ஆசிரியர் பெருமக்கள் சேலம் மண்டலத்திலிருந்தும், இராசிபுரம் மனவளக்கலை அறக்கட்டளையிலிரூந்தும் வந்திருந்து பயற்சி அளித்தார்கள். மேலும் இதில் பங்கு கொண்ட ஆசிரிய பெருமக்கள் தங்களின் அனுபவத்தை பகிர்ந்து கொண்டனர். இந்த நிகழ்ச்சியில் உலக சமுதாய சேவா சங்கம் துணை த்தலைவர் முதுநிலை பேராசிரியர் உழவன் மா. தங்கவேல் இராசிபுரம் மனவளக்கலை மன்றத் தலைவர் கை. கந்தசாமி, சேலம் மண்டலத்தின் வளர்ச்சி குழு தலைவர் மற்றும் ஆலோசனை குழு தலைவர் மு.ஆ.உதயக்குமார், வித்யா மந்திர் பள்ளியின் தலைவர் இன்ஜினியர் மாணிக்கம் செயலர் வி. சுந்தரராஜன் பள்ளியின் சேர்மன் டாக்டர் எம். இராமகிருஷ்ணன் ஆகியோர் கலந்துகொண்டு அடிப்படைப் பயிற்சிக்கான சான்றிதழ்களை வழங்கி வாழ்த்து தெரிவித்தனர். இதில் தவமைய ஆசிரியப் பெருமக்கள் கலந்து கொண்டு சிறப்பித்தனர்.