கட்சிக் கொடி ஏற்றுதல் விழா நிகழ்ச்சியில் நடைபெற்றது

ரஷ்ய புரட்சி தினத்தை நினைவு கூறும் வகையில் நாமக்கல் மாவட்டத்தின் பல்வேறு இடங்களில் கொடியேற்றுதல் விழா நிகழ்ச்சி நடைபெற்றது. இதன் ஒரு பகுதியாக பள்ளிபாளையம் அன்னை சத்யா நகர் பகுதி மற்றும்  ஆவரங்காடு கட்சி அலுவலகத்தில் கொடியேற்றுதல் விழா நிகழ்ச்சி நடைபெற்றது. இந்த நிகழ்வில் கட்சி நிர்வாகி எஸ்.பி.அண்ணாதுரை கொடியினை ஏற்றினார்.  கட்சியின் ஒன்றிய குழு உறுப்பினர்கள் ரவி, கோவிந்தராஜ், மற்றும் முன்னாள் ஒன்றிய குழு உறுப்பினர்கள், கிளைச் செயலாளர்கள் திரளாக கலந்து கொண்டனர். ஆனங்கூர் அண்ணாநகர் பகுதியில் நடைபெற்ற கொடியேற்றுதல் விழா நிகழ்ச்சியில் கட்சி கிளை செயலாளர் தமிழ்ச்செல்வன் தலைமை தாங்கினார். கட்சியின் மூத்த தோழர் முருகேசன் கொடியினை ஏற்றி வைத்தார். குமாரபாளையம் நகர குழு சார்பில் கட்சி அலுவலகம் அருகே கொடியேற்று விழா மாவட்ட குழு உறுப்பினர் சக்திவேல் தலைமையில் நடைபெற்றது.  கட்சி நகர செயலாளர் கந்தசாமி கொடியேற்றி வைத்தார்.  மாவட்ட செயற்குழு உறுப்பினர் எம்.அசோகன் மற்றும் மாவட்ட குழு உறுப்பினர்கள் திரளாக இதில் கலந்து கொண்டனர்.