பரமத்தி வேலூர் சாலை விபத்தில் ஒருவர் பலி.

நாமக்கல் மாவட்டம், பரமத்தி வேலூர் சூப்பர் மார்க்கெட் நான்கு ரோடு அருகே சாலையை கடக்க முயன்ற மாற்றுத்திறனாளி மீது கார் மோதியதில் படுகாயமடைந்த மாற்றுத்திறனாளி சம்பவ இடத்திலேயே பலியானது குறித்து வேலூர் போலீசார் வழக்கு பதிவு செய்து விசாரணை நடத்தி வருகின்றனர்.,  பரமத்தி வேலூர் அருகே உள்ள பொத்தனூர் பெரியார் நகரைச் சேர்ந்தவர் பழனிச்சாமி (62) மாற்றுத்திறனாளி. இவர் நேற்று சூப்பர்மார்க்கெட் நான்கு ரோடு ரவுண்டானா அருகே சாலையை தவழ்ந்தபடி கடக்க முயன்றுள்ளார். அப்போது அதிவேகமாக வந்த கார் ஒன்று பனிச்சாமி மீது மோதியுள்ளது. இதில் படுகாயமடைந்த பழனிச்சாமி சம்பவ இடத்திலேயே பலியானார். தகவல் அறிந்து அங்கு வந்த வேலூர் போலீசார் அவரது உடலை மீட்டு பிரேத பரிசோதனைக்காக வேலூர் அரசு மருத்துவமனையில் சேர்த்தனர். விபத்து குறித்து வேலூர் போலீசார் வழக்கு பதிவு செய்து தப்பியோடிய கார் டிரைவரை தேடி வருகின்றனர்.