கபிலர்மலை பாலசுப்ரமணியசாமி கோயிலில் திருக்கல்யாண நிகழ்ச்சி.

பரமத்திவேலூர், நவ.9: பரமத்தி வேலூர் தாலுகா கபிலர்மலை பாலசுப்பிரமணிய சுவாமி கோயில் திருக்கல்யாண விழா மிக‌ சிறப்பாக கொண்டாடப்பட்டது.‌ விழாவை முன்னிட்டு சிறப்பு அபிஷேக ஆராதனைகளும், சிறப்பு அலங்காரமும், மகா தீபாராதனையும் நடைபெற்றது. இந்த நிகழ்ச்சியில் கபிலர்மலை மற்றும் சுற்றுவட்டார பகுதிகளை சேர்ந்த ஏராளமான பொதுமக்களும், பக்தர்களும் கலந்து கொண்டனர். இதே போல் பாண்டமங்கலம் புதிய காசி விஸ்வநாதர் கோயில் வள்ளி தெய்வானை சமேத சுப்பிரமணியருக்கு திருக்கல்யாண பிலிக்கல்பாளையம் கரட்டூர் விஜயகிரி வடபழனி ஆண்டவர் கோயில், பொத்தனூர் பச்சைமலை முருகன், வல்லப கணபதி கோயிலில் எழுந்தருளியுள்ள வள்ளி, தெய்வானை சமேத சுப்பிரமணியர் பேட்டை பகவதியம்மன் கோவிலில் எழுந்தருளியுள்ள பாலமுருகன், அனிச்சம்பாளையத்தில் வேல் வடிவம் கொண்ட சுப்பிரமணியர் உள்ளிட்ட கோயில்களில் கந்தசஷ்டியை முன்னிட்டு முருகப்பெருமானுக்கு திருக்கல்யாண விழாவும், சிறப்பு அபிஷேக ஆராதனைகளும், சிறப்பு அலங்காரங்களும், மகா தீபாராதனையும் நடைபெற்றது.