செல்லாண்டி பாளையம்- டூவீலர் மீது தனியார் பள்ளி பேருந்து மோதி விபத்து. பெண் படுகாயம்.

செல்லாண்டி பாளையம்- டூவீலர் மீது தனியார் பள்ளி பேருந்து மோதி விபத்து. பெண் படுகாயம். தூத்துக்குடி மாவட்டம், ஓட்டப்பிடாரம், தென்னம்பட்டி பகுதியைச் சேர்ந்தவர் அழகேசன் வயது 33. இவரது மனைவி சங்கரம்மாள் வயது 24. இவர்கள் தற்போது கரூர் மாவட்டம், பசுபதிபாளையம் காவல் நிலைய எல்லைக்கு உட்பட்ட டி.செல்லாண்டி பாளையம் பகுதியில் வசித்து வருகின்றனர். இந்நிலையில் நவம்பர் 16ஆம் தேதி மாலை 6 மணி அளவில், சுக்காலியில் இருந்து திருமாநிலையூர் செல்லும் சாலையில் டூவீலரில் சென்று கொண்டு இருந்த இவர்கள், செல்ல ஆண்டிபாளையம் ஆண்டவர் மெடிக்கல் எதிரே டூவீலரை நிறுத்தி நின்று பேசிக் கொண்டிருந்தனர். அப்போது, அவ்வழியாக கரூரில் செயல்படும் வீனஸ் பள்ளி பேருந்தை, கரூர் மாவட்டம், பிச்சம்பட்டி அருகே உள்ள குள்ளம்பட்டி பகுதியைச் சேர்ந்த ராமச்சந்திரன் வயது 66 என்பவர் வேகமாக ஓட்டி வந்து, அழகேசன் டூவீலரின் பின்னால் மோதி விபத்து ஏற்பட்டது. இந்த விபத்தில் டூவீலரில் பின்னால் அமர்ந்து இருந்த சங்கரம்மாளுக்கு பின்னந்தலையில் பலத்த காயம் ஏற்பட்டது. உடனடியாக அவரை மீட்டு தனியார் ஆம்புலன்ஸ் மூலம் கரூரில் உள்ள நாச்சிமுத்து மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக, அழகேசன் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், பள்ளி பேருந்தை வேகமாகவும், அஜாக்கிரதையாகும் ஓட்டி விபத்து ஏற்படுத்திய ஓட்டுனர் ராமச்சந்திரன் மீது வழக்கு பதிவு செய்துள்ளனர் பசுபதிபாளையம் காவல்துறையினர்.