சேந்தமங்கலத்தில் மின் நுகர்வோர் திறன் மேம்பாட்டு கருத்தரங்கம் !

சென்னை சிஏஜி மற்றும் நுகர்வோர் உரிமைகள் இயக்கம் சார்பில் மின் நுகர்வோர் திறன் மேம்பாட்டு கருத்தரங்கம் சேந்தமங்கலத்தில் நடைபெற்றது. சேந்தமங்கலம் தனியார் மின் பணியாளர் சங்க தலைவர் முருகவேல் தலைமை தாங்கினார். செயலாளர் கிருஷ்ணமூர்த்தி முன்னிலை வகித்தார்.நுகர்வோர் உரிமைகள் இயக்கம் நிறுவனர் பூபதி வரவேற்றார்.சென்னை சிஏஜி ஆராய்ச்சியாளர் பரத் மின் சிக்கனம் மற்றும் மின் நுகர்வோர்கள் அணுக வேண்டிய தகவல்கள் தொடர்பான விழிப்புணர்வு உரை ஆற்றினார்.ஓய்வு பெற்ற மின் வாரிய அலுவலர் ஜெயராமன் மின் நுகர்வோர்கள் சந்திக்கும் சவால்கள் தொடர்பான ஆலோசனை உரை ஆற்றினார்.சோலார் தொடர்பான விழிப்புணர்வு பிரவீன் பேசினார்.கூட்டத்தில் சேந்தமங்கலம் பகுதியை சேர்ந்த மின் நுகர்வோர்கள் கலந்து கொண்டனர்.நுகர்வோர் உரிமைகள் இயக்கம் தலைமை ஒருங்கிணைப்பாளர் பாஸ்கரன் நன்றி கூறினார்.