தாளவாடி அருகே இளைஞர் மர்ம மரணம்

தாளவாடி அருகே இளைஞர் மர்ம மரணம் தாளவாடி மலைப்பகுதியில் இளைஞர் மர்மமான முறையில் இறந்து இறந்தது குறித்து போலீசார் விசாரணை நடத்தி வருகின்றனர். சத்தி அடுத்த தாளவாடி மலை கிராமம் திகனாரை, நாய்க்கர் வீதி, நாகராஜ் இவரது மகன் இராஜேந்திரன் ( 19), கூலித் தொழிலாளி, இவர் கடந்த 16 ம் தேதி பெரிய குட்டை அருகில் இறந்து கிடப்பதாக அந்த வழியாக சென்றவர்கள் பார்த்து அவரது தந்தை நாகராஜிடம் கூறியுள்ளனர். தகவல் அறிந்து அங்கு சென்ற நாகராஜ் ராஜேந்திரன் உடலை வீட்டுக்கு எடுத்து வந்துள்ளார். அவர மின்சாரம் தாக்கி இறந்ததற்காண அடையாளங்கள் இருந்ததாகவும், காயங்கள் இருந்ததாகவும், தீக்காயங்களும் இருந்ததாகவும், மின்னல் தாக்கியதால் இறந்தரா, அருகாமையில் உள்ள தோட்டத்து மின் வேலி சிக்கி இறந்தாரா இளைஞர் இறப்பில் பல்வேறு சந்தேகங்கள் இருப்பதாக போலீசாருக்கு தகவல் தெரிய வந்தது. இதை அடுத்து போலீசார் அவர் வீட்டுக்குச் சென்று உடலை பிரேத பரிசோதனை அனுப்பி வைத்தனர். இளைஞரின் மர்ம மரணம் குறித்து தாளவாடி போலீசார் விசாரணை நடத்தி வருகின்றனர்.