கோபி அருகே அடையாளம் தெரியாத முதியவர் பிணம் யார் அவர்? போலீசார் விசாரணை

கோபி அருகே அடையாளம் தெரியாத முதியவர் பிணம் யார் அவர்? போலீசார் விசாரணை கோபி அருகே உள்ள எலத்தூர் செட்டிபாளையத்தில் 65 வயது மதிக்கத்தக்க அடையாளம் தெரியாத முதியவர் பிணம் கிடந்தது. இதுகுறித்த தகவலின் பேரில் கடத்தூர் போலீசார் சம்பவ இடத்துக்கு விரைந்து சென்று முதியவரின் உடலை கைப்பற்றி பிரேத பரிசோதனைக்காக கோபி அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து இறந்த முதியவர் யார்? எந்த ஊரை சேர்ந்தவர்? எப்படி இறந்தார்? என விசாரணை நடத்தி வருகின்றனர்.