அண்ணா டவுன்ஷிப் சாலை அருகே டூவீலர்- கார் நேருக்கு நேர் மோதி விபத்து. இளைஞர் படுகாயம்.

அண்ணா டவுன்ஷிப் சாலை அருகே டூவீலர்- கார் நேருக்கு நேர் மோதி விபத்து. இளைஞர் படுகாயம். கரூர் மாவட்டம், அரவக்குறிச்சி தாலுகா, ஒத்த மந்துறை அருகே உள்ள அண்ணா டவுன்ஷிப் பகுதியைச் சேர்ந்தவர் துரைசாமி மகன் அபிநவ் வயது 19. இவர் நவம்பர் 16ஆம் தேதி காலை 7:30 மணி அளவில், கரூரிலிருந்து தாராபுரம் செல்லும் சாலையில் அவரது டூவீலரில் சென்று கொண்டு இருந்தார். இவரது வாகனம் அண்ணா டவுன்ஷிப் அருகே உள்ள ராஜகணபதி பைப் கம்பெனி அருகே செல்லும்போது, எதிர் திசையில் கரூர் மாவட்டம், பால்வார்பட்டி, பெரியார் நகர் பகுதியை சேர்ந்த சுப்பிரமணியன் மகன் நித்திய பிரகாஷ் வயது 25 என்பவர் வேகமாக ஓட்டி வந்த கார், அபிநவ் ஓட்டி சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் வாகனத்துடன் கீழே விழுந்த அபிநவுக்கு முகம் மற்றும் இடுப்பு பகுதியில் பலத்த காயம் ஏற்பட்டதால், உடனடியாக அவரை மீட்டு, தனியார் ஆம்புலன்ஸ் மூலம் கோவையில் உள்ள அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டார். இந்த சம்பவம் தொடர்பாக அபிநவ் அளித்த புகார் பேரில் சம்பவ இடத்துக்கு சென்று விசாரணை மேற்கொண்ட காவல்துறையினர், காரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய நித்திய பிரகாஷ் மீது வழக்கு பதிவு செய்துள்ளனர் சின்ன தாராபுரம் காவல் துறையினர்.