விசாரணை கைதியை தாக்கிய ஆட்டோ டிரைவர்

குமரி மாவட்டம் நித்திரவிளை பகுதியில் நேற்று பொது இடத்தில் வாலிபர்கள் மது குடித்துக் கொண்டிருப்பதாக போலீசாருக்கு  கிடைத்த தகவலின் பேரில் சிலரை  போலீஸ் நிலையம் அழைத்து வந்தனர். அவர்களில் ஒருவரை மருத்துவ பரிசோதனைக்காக குழித்துறை அரசு மருத்துவமனைக்கு அழைத்துச் செல்ல விஷ்ணு என்பவரது  ஆட்டோவை போலீசார் அழைத்தனர். அப்போது மற்றொரு வழக்குக்காக போலீசார் வெளியே சென்ற நேரத்தில் ஆட்டோவுடன் வந்த விஷ்ணு போலீஸ் நிலையத்தில் மதுபோதையில் அமர்ந்து இருந்த வாலிபரிடம் தகராறு செய்து அவரை தாக்கியுள்ளார். விசாரணையில் ஆட்டோ டிரைவர் விஷ்ணு மது போதையில் இருந்தது தெரிய வந்தது. அவர் மீது வழக்கு பதிவு செய்தனர்.