அரகண்டநல்லுாரில் விழிப்புணர்வு முகாம்

அரகண்டநல்லுார் அரசு மேல்நிலைப் பள்ளியில், மாணவர்களுக்கு மக்கும் குப்பை, மக்கா குப்பை தரம் பிரிப்பது குறித்த விழிப்புணர் முகாம் நடந்தது. முகாமிற்கு, தலைமை ஆசிரியர் ரவிச்சந்திரன் தலைமை தாங்கினார். பேரூராட்சி இளநிலை உதவியாளர் பாலசுப்ரமணியன் வரவேற்றார். சிறப்பு விருந்தினர் செயல் அலுவலர் முரளி, வீடுகளில் குப்பைகளை சேகரிக்கும்போது, மக்கும் குப்பை, மக்கா குப்பைகளை எவ்வாறு தரம் பிரித்து சேகரிப்பது என்பது குறித்து விளக்க உரையாற்றினார். துாய்மைப் பணியாளர்கள் செயல் விளக்கம் செய்து காண்பித்தனர். பள்ளி மாணவர்கள், ஆசிரியர்கள் பங்கேற்றனர். இளநிலை உதவியாளர் பாலகிருஷ்ணன் நன்றி கூறினார்.