கடம்பூரில் யானை தாக்கி ஒருவர் பலி

கடம்பூரில் யானை தாக்கி ஒருவர் பலி சத்தி அடுத்த கடம்பூர் மலை கிராமம், அணைக்கரை, பைரமர தொட்டியை சேர்ந்தவர் மாறன் (55) வனப்பகுதியை ஒட்டி இவருக்கு விவசாய நிலம் உள்ளது. அதில் சோளம் விதைத்துள்ளார் சோளப்பயிர் வளர்ந்து விட்டதால் தினமும் இரவு காவலுக்கு சென்று வந்துள்ளார். இந்நிலையில் நேற்று முன் தினம் இரவு சோளக்காட்டுக்கு காவலுக்குச் சென்றவரை சோளக்காட்டில் மறைந்திருந்த ஒற்றை யானை தாக்கியதில் சம்பவ இடத்திலேயே பலியானார். யானையின் சத்தத்தை கேட்டு கிராம மக்கள் அங்கு சென்று பார்த்த போது மாறன் யானை தாக்கியதில் சம்பவ இடத்திலேயே இறந்தது தெரியவந்தது. இது குறித்து வனத்துறையினருக்கும் போலீசாருக்கும் தகவல் தெரிவித்தனர். சம்பவ இடத்திற்கு சென்ற வனத்துறை அதிகாரிகள் மற்றும் போலீஸார் இச்சம்பவம் குறித்து விசாரனை நடத்தி வருகின்றனர்