நினைவு ஜோதி பயணம் நிகழ்ச்சி நடைபெற்றது

நாமக்கல் மாவட்டம் குமாரபாளையம் லட்சுமி மஹாலில் மார்க்சிஸ்ட் கம்யூனிஸ்ட் கட்சியின் 9-வது மாநாடு இன்று ஞாயிற்றுக்கிழமை தொடங்கி நாளை திங்கட்கிழமை வரை நடைபெற உள்ள நிலையில் இந்த நிகழ்வின் ஒரு பகுதியாக, தியாகிகள் நினைவு ஜோதி பயணம்  பள்ளிபாளையம் அக்ரஹாரம் பேருந்து நிறுத்த பகுதியில் சனிக்கிழமை அன்று நடைபெற்றது. இந்த நிகழ்விற்கு கட்சி ஒன்றிய குழு உறுப்பினர் எஸ்.சரவணன் தலைமை தாங்கினார் . வட்டச் செயலாளர் சண்முகசுந்தரம் வரவேற்புரை ஆற்றினார்.  இந்த நிகழ்வில் பள்ளிபாளையம் தியாகி சி.வேலுச்சாமி மற்றும் தோழர்கள் எஸ்.முத்து,  ஏ.காசி விஸ்வநாதன், பொன்னி P.பழனியப்பன் M.சக்திவேல் ஆகியோரின் நினைவு ஜோதியை எடுத்து கொடுத்து கட்சியின் மாநில குழு உறுப்பினர் ஆர்.ரகுராமன், மாவட்ட செயற்குழு உறுப்பினர் எம்.அசோகன் ஆகியோர் சிறப்புரை ஆற்றினர் . கட்சி ஒன்றிய செயலாளர் எம்.லட்சுமணன் நினைவு ஜோதியை பெற்றுக் கொண்டார். இந்த நிகழ்வில் மாவட்ட குழு உறுப்பினர்கள் கே.மோகன், ஆர்.ரவி, இ.கோவிந்தராஜ், ஒன்றிய குழு உறுப்பினர்கள் அண்ணாதுரை, பெருமாள், துரைசாமி, நவீன், கிளை உறுப்பினர்கள், மார்க்சிஸ்ட் கம்யூனிஸ்ட் கட்சியை சேர்ந்த  கட்சி நிர்வாகிகள், தியாகிகளின் குடும்ப உறவினர்கள், திரளாக இந்த நிகழ்வில் பங்கேற்றனர் . கிளை உறுப்பினர் கே.சுந்தரம் நன்றி உரையாற்றினார்.