கந்தசாமி கந்தர் பள்ளி மாணவர்கள் நீச்சல் போட்டியில் சாதனை.

பரமத்திவேலூர், நவ.26: பரமத்தி வேலூர் கந்தசாமி கண்டர் மேல்நிலைப் பள்ளி மாணவர்கள் நாமக்கலில் நடைபெற்ற மாவட்ட அளவிலான நீச்சல் போட்டியில் கலந்து கொண்டு ஒட்டுமொத்த சாம்பியன் பட்டம் பெற்றுள்ளனர். நாமக்கல் மாவட்ட ஆட்சியர் வளாகத்தில் மாவட்ட அளவிலான பள்ளி மாணவர்களுக்கான நீச்சல் போட்டிகள் வெள்ளிக்கிழமை நடைபெற்றது. இதில் 700-க்கும் மேற்பட்ட மாணவர்கள் கலந்து கொண்டனர். இப் போட்டியில் வேலூர் கந்தசாமி கண்டர் மேல்நிலைப்பள்ளி மாணவர்கள் 22 பேர்கள் கலந்து கொண்டு 136 புள்ளிகள் பெற்று ஒட்டு மொத்த சாம்பியன் பட்டத்தை வென்றுள்ளனர். மேலும் இதில் பங்குபெற்ற 18 மாணவர்கள் மாநில அளவிலான நீச்சல் போட்டிக்கு தேர்வு பெற்றுள்ளனர். பள்ளிக்கு பெருமை சேர்ந்த இம் மாணவர்களை பள்ளியின் தலைவர் மருத்துவர் சோமசுந்தரம், செயலாளர் செல்வராசு, தலைமை ஆசிரியர் குமாரசாமி,உதவி தலைமை ஆசிரியர் முருகவேல், உடற்கல்வி ஆசிரியர் ஜாகிராபானு மற்றும் ஆசிரிய,ஆசிரியைகள் பராட்டி வாழ்த்து தெரிவித்தனர்.