குளித்தலை நகர திமுக சார்பில் உதயநிதி ஸ்டாலின் பிறந்தநாள் கொண்டாட்டம்

கரூர் மாவட்டம் குளித்தலை நகர திமுக சார்பில் துணை முதலமைச்சர் உதயநிதி ஸ்டாலின் 47வது பிறந்தநாள் விழா முன்னிட்டு ஆதரவற்றோர், மாற்றுத்திறனாளி, பள்ளி குழந்தைகளுக்கு புத்தாடைகள், கிளை முழு நேர நூலகத்திற்கு இருக்கைகள் மற்றும் ஆதரவற்றோர் முதியோர், பெண்கள், பொது மக்களுக்கு உணவு வழங்குதல் நிகழ்ச்சி மற்றும் குளித்தலை நகரம் முழுவதும் இரு வண்ண கொடியேற்றி இனிப்பு வழங்கும் நிகழ்ச்சி நேற்று நடைபெற்றது. இதில் எம்எல்ஏ மாணிக்கம் கலந்து கொண்டு இனிப்பு, உணவு, உடை மற்றும் நாற்காலிகள் வழங்கினார். இந்நிகழ்வில் ஆதரவற்ற குழந்தைகள் துணை முதல்வர் பிறந்த நாளுக்கு பாடலுடன் வாழ்த்துக்கள் தெரிவித்தனர். இதில் நகர மன்ற தலைவர் சகுந்தலா பல்லவி ராஜா, மாவட்ட பிரதிநிதி ஜாபருல்லா, வழக்கறிஞர் சாகுல் ஹமீது, நகர பொருளாளர் தமிழரசன், நகர துணை செயலாளர் செந்தில்குமார், நகரத் தொண்டர் அணி அமைப்பாளர் மது மற்றும் வார்டு உறுப்பினர்கள் நகர திமுக நிர்வாகிகள் என பலரும் கலந்து கொண்டனர்.