தூய திரித்துவ ஆலயத்தில் கிறிஸ்துமஸ் கீத ஆராதனை!

தூத்துக்குடி மாவட்டம் நாசரேத் அருகேயுள்ள ஒய்யான்குடி தூய திரித்துவ ஆலயத்தில் கனோன் மர்காஷிஸ் சபைமன்ற ஆண்கள் ஐக்கிய சங்கத்தின் சார்பில் கிறிஸ்துமஸ் கீத ஆராதனை நடைபெற்றது. நிகழ்ச்சிக்கு சபை மன்றத் தலைவர் வெல்ற்றன் ஜோசப் தலைமை வகித்தார். ஒய்யான்குடி சேகரத் தலைவர் ரூபன் மணிராஜ் ஆரம்ப ஜெபம் செய்தார். திருமண்டல குருத்துவ காரியதரிசி இம்மானுவேல் வான்ஸ்றக், உயர் நிலை மற்றும் மேல்நிலைப் பள்ளிகளின் மேலாளர் பிரேம்குமார் ராஜாசிங் ஆகியோர் வாழ்த்துரை வழங்கினர். ஊழியர் பிரான்சிஸ் சிறப்பு செய்தியளித்தார். தொடர்ந்து நாசரேத் சுற்றியுள்ள 21 சேகரத்தில் உள்ள திருச்சபை ஆண்கள் ஐக்கிய சங்கத்தினர்கள் குழுப் பாடல்கள் பாடினர். இதையடுத்து அனைவருக்கும் பரிசுகள் வழங்கப்பட்டது. நிகழ்ச்சியை இயக்குனர் ராபின்சன் தொகுத்து வழங்கினார். இந்நிகழ்ச்சியில் தூத்துக்குடி -நாசரேத் திருமண்டல பொருளாளர் டேவிட்ராஜ், திருமண்டல தொடர்பு துறை இயக்குநர் பாஸ்கரன், சுற்றுச் சூழல் கரிசனைத் துறை இயக்குநர் ஜாண் சாமுவேல் குருமார்கள் ஆசீர் சாமுவேல், ஞானசிங் எட்வின், பொன் செல்வின், ஆபிரகாம் ரஞ்சித், டிக்சன் மற்றும் குருமார்கள், சபை மன்ற ஆண்கள் திரளானோர் கலந்து கொண்டனர். நாசரேத் தூய யோவான் பேராலய தலைமை குரு ஹென்றி ஜீவானந்தம் நிறைவு ஜெபம் செய்தார்.