தோகைமலை பேருந்து நிலையம் அருகே நடந்து சென்றவர் மீது டூவீலர் மோதி விபத்து.

தோகைமலை பேருந்து நிலையம் அருகே நடந்து சென்றவர் மீது டூவீலர் மோதி விபத்து. திருச்சி மாவட்டம், லால்குடி அருகே உள்ள வசந்த நகர் பகுதியை சேர்ந்தவர் சம்பத் வயது 60. இவர் டிசம்பர் 2ஆம் தேதி இரவு 7 மணி அளவில், கரூர் மாவட்டம், தோகைமலை பஸ் ஸ்டாண்ட் எதிரே நடந்து சென்று கொண்டிருந்தார். அப்போது அதே சாலையில் கரூர் மாவட்டம், கழுகூர் அருகே உள்ள மகளிப்பட்டி பகுதியைச் சேர்ந்த விநாயகமூர்த்தி வயது 41 என்பவர் வேகமாக ஓட்டி வந்த டூ வீலர் நடந்து சென்ற சம்பத் மீது மோதி விபத்து ஏற்பட்டது. இந்த விபத்தில் சம்பத்துக்கு வலது கால், வலது கை உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு அருகில் உள்ள திருச்சி மாவட்டம், மணப்பாறை, மாலதி மருத்துவமனையில் சிகிச்சைக்காக அனுமதித்தனர். சம்பவம் தொடர்பாக சம்பத் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய விநாயகமூர்த்தி மீது வழக்கு பதிவு செய்துள்ளனர் தோகைமலை காவல்துறையினர்.