முன்னாள் முதல்வர் ஜெயலலிதா நினைவு நாள் அனுஷ்டிப்பு

நாமக்கல் மாவட்டம் குமாரபாளையம் அ.தி.மு.க. சார்பில்   முன்னாள் முதல்வர் ஜெயலலிதா நினைவு நாள் அனுஷ்டிக்கப்பட்டது. இதில் முன்னாள் அமைச்சர் தங்கமணியின் புதல்வர் தரணிதரன் தலைமை வகித்தார். பள்ளிபாளையம் பிரிவு சாலையில் இருந்து மவுன ஊர்வலம் புறப்பட்டு, தாலுக்கா அலுவலகம் முன்பு உள்ள அண்ணா சிலை அருகே மலர்களால் அலங்கரிக்கப்பட்ட, ஜெயலலிதாவின் திருவுருவப்படத்திற்கு மலரஞ்சலி செலுத்தப்பட்டது. இதில் பங்கேற்ற அனைவருக்கும் அன்னதானம் வழங்கப்பட்டது. நகர செயலர் பாலசுப்ரமணி உள்பட பலர் பங்கேற்றனர். முன்னாள் நகர செயலர் குமணன் தலைமையிலான அணியினர் கட்சி அலுவலகம் முன்பு வைக்கப்பட்டிருந்த ஜெயலலிதாவின் திருவுருவப்படத்திற்கு மலரஞ்சலி செலுத்தினர். இதில் திருநாவுக்கரசு, ரவி, முருகேசன் உள்பட பலர் பங்கேற்றனர்.