காயத்ரி நகரில் மாற்றுத்திறனாளி ஓட்டி சென்ற டூவீலர் மீது கார் மோதி விபத்து.

காயத்ரி நகரில் மாற்றுத்திறனாளி ஓட்டி சென்ற டூவீலர் மீது கார் மோதி விபத்து. கரூர் கேவிபி நகரை சேர்ந்தவர் செல்லதுரை வயது 49. மாற்றுத்திறனாளி. இவர் டிசம்பர் 6ஆம் தேதி இரவு 9:15- மணி அளவில், கரூர்- ஈரோடு சாலையில் அவரது மூன்று சக்கர மோட்டார் வாகனத்தில் கரூர்- ஈரோடு சாலையில் சென்று கொண்டிருந்தார். இவரது வாகனம் காயத்ரி நகர், ஜெயம் ஆட்டோ நிறுவனம் அருகே சென்றபோது, அதே திசையில், கரூர் அடுத்த ஆத்தூர் பிரிவு, சுந்தரம் நகரை சேர்ந்த சுரேஷ் மனைவி கிருத்திகா வயது 40 என்பவர் வேகமாக ஓட்டி வந்த கார், செல்லதுரை ஓட்டிச் சென்ற மூன்று சக்கர மோட்டார் வாகனத்தின் பின்பகுதியில் மோதி விபத்து ஏற்பட்டது. இந்த விபத்தில் செல்லதுரைக்கு இடுப்பு பகுதியில் பலத்த காயம் ஏற்பட்டதால், உடனடியாக அவரை மீட்டு கரூரில் உள்ள அமராவதி மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த செல்லதுரையின் மாமா ராமசாமி வயது 69 என்பவர் அளித்த புகாரின் பேரில், சம்பவ இடத்துக்கு சென்று விசாரண மேற்கொண்ட காவல்துறையினர், காரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய கிருத்திகா மீது வழக்குப்பதிவு செய்துள்ளனர் கரூர் மாநகர காவல் துறையினர்.