வெள்ளியணை- டூவீலர் மீது அடையாளம் தெரியாத வாகனம் மோதி விபத்து. கணவன்- மனைவி படுகாயம்.

வெள்ளியணை- டூவீலர் மீது அடையாளம் தெரியாத வாகனம் மோதி விபத்து. கணவன் - மனைவி படுகாயம். திண்டுக்கல் மாவட்டம், கருங்கல் கிராமம் , கும்மாயம்பட்டி பகுதியைச் சேர்ந்தவர் வைரச்சாமி வயது 55. இவரது மனைவி ஆராயி வயது 45. இவர்கள் இருவரும் டிசம்பர் 6-ம் தேதி இரவு 8:30 மணி அளவில், கரூர் - பாளையம் சாலையில் அவர்களது டூவீலரில் சென்று கொண்டு இருந்தனர். இவர்களது வாகனம் வெள்ளியணை இந்தியன் ஆயில் பெட்ரோல் பங்க் அருகே சென்றபோது, அதே சாலையில் பின்னால் வேகமாக வந்த அடையாளம் தெரியாத நான்கு சக்கர மோட்டார் வாகனம் ஒன்று வைரசாமி ஓட்டிச் சென்ற டூவீலரின் பின்னால் மோதி விட்டு, நிற்காமல் மின்னல் வேகத்தில் சென்று விட்டது. இந்த விபத்தில் நிலை தடுமாறி வாகனத்துடன் கீழே விழுந்ததில் வைரச்சாமி மற்றும் ஆராயி ஆகிய இருவருக்கும் பலத்த காயம் ஏற்பட்டது. உடனடியாக இருவரையும் மீட்டு, தனியார் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இச்சம்பவம் அறிந்த வைரசாமியின் மகன் கருப்பசாமி வயது 29 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், மோதிவிட்டு நிற்காமல் சென்ற அந்த வாகனம் எது? அந்த வாகனத்தின் ஓட்டுனர் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர் வெள்ளியணை காவல்துறையினர்.