வெள்ளிவிழா பரிசுப் போட்டிகள்

நாகை மாவட்ட ஆட்சியர் ப.ஆகாஷ் வெளியிட்டுள்ள ஒரு அறிக்கையில் கூறியிருப்பதாவது அய்யன் திருவள்ளுவரின் 133 அடி உயர திருஉருவ சிலையை கடந்த 2000 - ம் ஆண்டு ஜனவரி மாதம் 1-ம் தேதி மறைந்த முன்னாள் முதல்வர் மு. கருணாநிதி கன்னியாகுமரியில் திறந்து வைத்தார். சிலை நிறுவப்பட்டு 25 ஆண்டுகள் நிறைவு பெறுவதை முன்னிட்டு, வெள்ளி விழா வருகிற 23-ம் தேதி முதல் 31-ம் தேதி வரை கொண்டாடப்பட உள்ளது. விழாவை முன்னிட்டு, பேச்சு போட்டி, வினாடி வினா மற்றும் திருக்குறள் ஒப்புவித்தல் போட்டி ஆகிய போட்டிகள் நடைபெற உள்ளன. வருகிற 26 -ம் தேதி காலை 10:30 மணிக்கு பேச்சு போட்டியும், வருகிற 27-ம் தேதி காலை 10 மணிக்கு வினாடி வினா போட்டியும், டிசம்பர் 30 -ம் தேதி காலை 10:30 மணிக்கு திருக்குறள் ஒப்புவித்தல் போட்டியும் நாகை மாவட்ட மைய நூலகத்தில் நடைபெற உள்ளது. பேச்சுப் போட்டி, வினாடி வினா போட்டிகளில் அனைத்து தரப்பு வாசகர்களும், திருக்குறள் ஒப்புவித்தல் போட்டியில் 10 வயதிற்குட்பட்ட குழந்தைகளும் கலந்து கொள்ளலாம். பேச்சு போட்டியில், நன்றிக்கு வித்தாகும் நல்லொழுக்கம் என்ற தலைப்பில் 5 நிமிடங்கள் பேச வேண்டும். திருக்குறள் ஒப்புவித்தல் போட்டியில், திருக்குறளில் ஏதேனும் 5 அதிகாரங்களில் குழந்தைகள் பொருள் உணர்ந்து, உச்சரிப்பு பிழையின்றி ஒப்புவிக்க வேண்டும். இதில் கலந்து கொள்ள விரும்புவர்கள், நாகை மாவட்ட மைய நூலகத்தில் நேரிலோ அல்லது 97919 3 1179 என்ற எண்ணிலோ தொடர்பு கொண்டு, வருகிற 22 -ம் தேதிக்குள் பதிவு செய்து கொள்ளலாம். மேலும், கூடுதல் விபரங்களுக்கு 9150658877 என்ற என்ற எண்ணை தொடர்பு கொள்ளலாம். நாகை மாவட்ட மைய நூலகத்தில் நடைபெறும் வெள்ளி விழாவின் நிறைவு நாள் போட்டிகளில், முதல் மூன்று இடங்களில் வெற்றி பெறுபவர்களுக்கு முறையே ரொக்கப் பரிசாக ரூ.5 ஆயிரம், ரூ.3 ஆயிரம் மற்றும் ரூ.2 ஆயிரம் பரிசுத் தொகையை, வருகிற 31-ம் தேதி நாகை மாவட்ட ஆட்சியரால் வழங்கப்படும். இவ்வாறு அவர் கூறியுள்ளார்.