மணவாசி பஸ் ஸ்டாப் அருகே அடையாளம் தெரியாத முதியவர் உடல் கண்டெடுப்பு.

மணவாசி பஸ் ஸ்டாப் அருகே அடையாளம் தெரியாத முதியவர் உடல் கண்டெடுப்பு. கரூர் மாவட்டம் கிருஷ்ணராயபுரம் கிராம நிர்வாக அலுவலர் வினோத்குமார். அருகில் உள்ள மணவாசி பஸ் ஸ்டாப் அருகே டிசம்பர் 20ஆம் தேதி காலை 11 மணியளவில், சுமார் 80 வயது மதிக்கத்தக்க ஆண் உடல் கிடப்பதாக அப்பகுதி பொது மக்கள் கிராம நிர்வாக அலுவலர் வினோத் குமாருக்கு தகவல் அளித்தனர். தகவலின் பெயரில் சம்பவ இடத்திற்கு சென்று முதியவர் உடல் இருப்பதை உறுதி செய்த அவர், இது தொடர்பாக காவல்துறையினருக்கு அளித்த புகாரின் பேரில், சம்பவ இடத்துக்கு வந்த காவல் துறையினர், முதியவர் உடலை மீட்டு, அவரது அடையாளம் காண்பதற்காக, கரூர் அரசு மருத்துவக் கல்லூரி மருத்துவமனை சவக்கிடங்கில் இருப்பு வைத்து, இது தொடர்பாக வழக்கு பதிவு செய்து, இறந்த முதியவர் யார்? எந்த ஊரைச் சேர்ந்தவர்? அவரது உறவினர்கள் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர் மாயனூர் காவல்துறையினர்.