ஆர்ப்பாட்டத்தில் ஈடுபட முயற்சித்த அதிமுகவினர் கைது

அண்ணா பல்கலைக்கழகத்தில் கல்லூரி மாணவி பாலியல் வன்கொடுமை செய்யப்பட்டதை கண்டித்து சிவகாசியில் ஆர்ப்பாட்டத்தில் ஈடுபட முயன்ற முன்னாள் அமைச்சர் ராஜேந்திர பாலாஜி உட்பட 2000 ற்கும் மேற்பட்டோர் கைது ... ஸ்காட்லாந்து காவல்துறைக்கு இணையாக இருந்த தமிழக காவல்துறை திமுக ஆட்சியில் செயல்பட முடியாத காவல்துறையாக உள்ளது என ராஜேந்திர பாலாஜி பேட்டி ... அண்ணா பல்கலைக்கழகத்தில் கல்லூரி மாணவி பாலியல் வன்கொடுமை செய்யப்பட்டதை கண்டித்து சென்னை நீங்களாக தமிழகம் முழுவதும் மாவட்டம் தோறும் அதிமுக சார்பில் இன்று ஆர்ப்பாட்டம் நடைபெறும் என கட்சியின் பொதுச் செயலாளர் எடப்பாடி பழனிச்சாமி அறிவித்திருந்தார். இதன ஒரு பகுதியாக விருதுநகர் மேற்கு மாவட்ட அதிமுக சார்பில் அதிமுக முன்னாள் அமைச்சரும், விருதுநகர் மேற்கு மாவட்ட செயலாளருமான ராஜேந்திர பாலாஜி தலைமையில் சிவகாசி பேருந்து நிலையத்தில் ஆர்ப்பாட்டம் நடைபெற்று . இந்த ஆர்ப்பாட்டத்தில் அண்ணா பல்கலைக்கழகத்தில் கல்லூரி மாணவி பாலியல் வன்கொடுமை செய்யப்பட்டதை கண்டித்தும், தமிழகத்தில் பெண்களுக்கு எதிராக நடைபெற்று வரும் பாலியல் வன்கொடுமைகள், பாலியல் சீண்டல்கள் முதலானவற்றை கட்டுபடுத்த தவறிய, சட்ட ஒழுங்கை பாதுகாக்க தவறிய தமிழக அரசை கண்டித்தும் கண்டன கோஷங்கள் எழுப்பப்பட்டது. இந்த ஆர்ப்பாட்டத்தில் 2000 ற்கும் மேற்பட்ட அதிமுகவினர் கலந்து கொண்டனர்.பின்னர் தடையை மீறி ராஜேந்திர பாலாஜி தலைமையில் ஆர்ப்பாட்டம் செய்ய முயன்ற போராட்டக்காரர்களை காவல்துறையினர் கைது செய்ய முயன்ற போது காவல்துறையினருக்கும் போராட்டக்காரர்களுக்கும் இடையே தள்ளுமுள்ளு ஏற்பட்டது. இதனை அடுத்துமுன்னாள் அமைச்சர் ராஜேந்திர பாலாஜி உட்பட அனைவரையும் காவல்துறையினர் கைது செய்து தனியார் மண்டபத்தில் அடைத்தனர். அப்போது மண்டபத்தில் சமையலறை ஒதுக்கியதாக கூறி ராஜேந்திர பாலாஜி தலைமையில் ஸ் சிவகாசி முதல் ஸ்ரீவில்லிபுத்தூர் சாலையில் சாலை மறியல் போராட்டத்தில் ஈடுபட்டதால் பரபரப்பு ஏற்பட்டது .இதனால் சுமார் 30 நிமிடம் போக்குவரத்து பாதிக்கப்பட்டது. இதனை அடுத்து காவல்துறையினர் பேச்சுவார்த்தை நடத்தி மண்டபம் திறக்கப்பட்டதை அடுத்து அனைவரும் தற்போது மண்டபத்தில் தங்க வைக்கப்பட்டுள்ளனர். பின்னர் செய்தியாளர்களுக்கு பேட்டியளித்த ராஜேந்திரபாலாஜி ஸ்காட்லாந்து காவல்துறையாக இருந்த தமிழக காவல்துறை திமுக ஆட்சியில் செயல்பட முடியாத காவல்துறையாக உள்ளது திமுக ஆட்சிக்கு வந்ததிலிருந்து சட்டம் ஒழுங்கு சீர்கெட்டுள்ளது திமுக ஆட்சியில் தொடர்ந்து பெண்களுக்கு எதிரான வன்கொடுமை குற்றங்கள் அதிகரித்துள்ளது. தமிழகத்தில் பெருகியுள்ள வன்முறை கலாச்சாரத்தை திமுக அரசு தடுக்க தவறியுள்ளது. அதிமுக தகவல் தொழில்நுட்ப பிரிவின் சார்பாக நேற்று மேற்கொள்ளப்பட்ட பாலியல் வன்கொடுமைக்கு எதிரான பிரச்சாரத்திற்கு அண்ணாமலை மட்டுமல்ல தமிழகத்தில் உள்ள அனைத்து அரசியல் கட்சி தலைவர்களும் பாராட்டியுள்ளனர் கைது செய்து தங்களை சமையலறையில் தங்க வைக்கப்பட்டதாக குற்றச்சாட்டினார்.