வாரச்சந்தையில் ஆடுகள் விற்பனை ஜோர்

தர்மபுரி மாவட்டம் நல்லம்பள்ளியில் வட்டாட்சியர் அலுவலக வளாகத்தில் ஒவ்வொரு வாரமும் செவ்வாய்க்கிழமை நாட்களில் ஆடுகள் விற்பனைக்காக பிரத்தியேகமாக சந்தை நடைபெறுகிறது. இன்று டிசம்பர் 31 காலை கூடிய சந்தையில் மாவட்டத்தின் பல்வேறு பகுதிகளில் இருந்து விவசாயிகள் & வியாபாரிகள் விற்க மற்றும் வாங்க வந்திருந்தனர். நாளை ஆங்கில புத்தாண்டு தினத்தை ஒட்டி ஆடுகள் வரத்து அதிகரித்து காணப்பட்டது ஆடுகள் ரகம் & அளவை பொறுத்து 3000 ரூபாய்க்கு துவங்கி 22000 ரூபாய் வரையில் என 55 லட்சத்திற்கு ஆடுகள் வர்த்தகம் நடைபெற்றதாக வியாபாரிகள் தெரிவித்துள்ளனர்.