ராஜேந்திர பாலாஜி வழக்கில் சிபிஐ விசாரணையை திரும்ப பெற உயர் நீதி​மன்றம் மறுப்பு

ஆவின் உள்ளிட்ட அரசு துறை​களில் வேலை வாங்​கித் தருவ​தாகக் கூறி பண மோசடி​யில் ஈடுபட்​டதாக அதிமுக முன்​னாள் அமைச்சர் கே.டி.ராஜேந்திர பாலாஜி மீதான வழக்கை சிபிஐ-க்கு மாற்றி உயர் நீதி​மன்ற நீதிபதி பி.வேல்​முருகன் நேற்று முன்​தினம் உத்தர​விட்​டிருந்​தார். இந்நிலை​யில் இந்த வழக்கை சிபிஐ விசா​ரணைக்கு மாற்றி பிறப்​பித்த உத்தரவை மாற்றியமைக்​கும்படி விருதுநகர் மாவட்ட குற்​றப்​பிரிவு போலீ​ஸார் தரப்​பில் நீதிபதி பி.வேல்​முருகன் முன்பாக நேற்று முறை​யீடு செய்​யப்​பட்​டது. ஆனால் அதையேற்க மறுத்த நீதிபதி, இந்த விவகாரம் தொடர்பாக உச்ச நீதி​மன்​றத்​தில் மேல்​முறை​யீடு செய்து நிவாரணம் பெறலாம் என ​திட்​ட​வட்​டமாக தெரி​வித்​தா​ர்​.