குளத்துபாளையம்- டூ வீலர்- டாட்டா ஏஸ் வாகனம் நேருக்கு நேர் மோதி விபத்து. சகோதரர்கள் இருவர் படுகாயம்.

குளத்துபாளையம்- டூ வீலர்- டாட்டா ஏஸ் வாகனம் நேருக்கு நேர் மோதி விபத்து. சகோதரர்கள் இருவர் படுகாயம். கரூர் ஐந்து ரோடு அருகே உள்ள ராணி மங்கம்மாள் சாலை பகுதியைச் சேர்ந்தவர் மாரிமுத்து மகன் தினேஷ் குமார் வயது 23. இவரது மூத்த சகோதரர் சதீஷ்குமார் வயது 40. இவர்கள் இருவரும் ஜனவரி 6ஆம் தேதி மாலை 5 மணி அளவில் கரூர் மாநகராட்சிக்கு உட்பட்ட குளத்துப்பாளையம் குகை வழி பாதை அருகே டூவீலரில் செல்லும்போது எதிர் திசையில், கரூர் பசுபதிபாளையம் வடக்கு தெருவை சேர்ந்த சரவணன் வயது 40 என்பவர் வேகமாக ஓட்டி வந்த டாட்டா ஏஸ் வாகனம் தினேஷ் குமார் ஓட்டிச் சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் தினேஷ் குமார் மற்றும் சதீஷ்குமார் ஆகிய இருவருக்கும் பலத்த காயம் ஏற்பட்டது. உடனடியாக இருவரையும் மீட்டு கரூரில் உள்ள நாதன் மருத்துவமனையில் சிகிச்சைக்காக அனுமதித்தனர். இச்ச சம்பவம் தொடர்பாக தினேஷ் குமார் அளித்த புகாரில், சம்பவ இடத்துக்கு சென்று விசாரணை மேற்கொண்ட காவல் துறையினர் டாட்டா ஏஸ் வாகனத்தை வேகமாகவும் அஜாக்கிரதையாகவும் ஓட்டி விபத்து ஏற்படுத்திய சரவணன் மீது வழக்கு பதிவு செய்துள்ளனர் கரூர் மாநகர காவல்துறையினர்.