பொள்ளாச்சி: பொங்கல் பண்டிகை-களைகட்டிய சேவல் சந்தை !

பொங்கல் பண்டிகையை முன்னிட்டு, பொள்ளாச்சி காந்தி வாரச்சந்தையில் இன்று நடைபெற்ற சேவல் விற்பனை களைகட்டியது. பல்வேறு பகுதிகளிலிருந்து கொண்டு வரப்பட்ட சேவல்களுக்கு நல்ல வரவேற்பு கிடைத்தது. சேவலின் உயரம், எடை, நிறம் மற்றும் மோதும் திறன் ஆகியவற்றைப் பொறுத்து விலை நிர்ணயிக்கப்பட்டது. சில சேவல்கள் இரண்டாயிரம் ரூபாய் முதல் எட்டாயிரம் ரூபாய் வரை விற்பனையாகின. பொள்ளாச்சி மட்டுமின்றி, வெளி மாநிலங்களிலிருந்தும் வியாபாரிகள் வந்து சேவல்களை வாங்கிச் சென்றனர்.பொங்கல் பண்டிகை காலத்தில் கிராமங்களில் பாரம்பரிய விளையாட்டுகள் நடத்தப்படுவதால், சேவல் பந்தயம் மிகவும் பிரபலமாக உள்ளது. இதனால், சேவல் வளர்ப்போர் தங்கள் பொருட்களை விற்பனை செய்ய அதிக ஆர்வம் காட்டுகின்றனர். பொள்ளாச்சி, உடுமலை, பழநி, ஒட்டன்சத்திரம், திண்டுக்கல், தாராபுரம், குண்டடம் உள்ளிட்ட பல்வேறு பகுதிகளிலிருந்து வந்த வியாபாரிகள், இந்த ஆண்டு சேவல் விற்பனை அமோகமாக இருப்பதாக தெரிவித்தனர். தமிழர்களின் முக்கிய பண்டிகைகளில் ஒன்றான பொங்கல் பண்டிகை, பொள்ளாச்சி சேவல் சந்தைக்கு கூடுதல் விறுவிறுப்பை சேர்த்துள்ளது.