அண்ணா பல்கலைக்கழக பாலியல் வழக்கில் மர்மம் இருக்கிறது: அதிமுக பொதுச்செயலாளர் பழனிசாமி குற்றச்சாட்டு

அதிமுக மாவட்டச் செயலா​ளர்கள் ஆலோசனை கூட்டம் சென்னை​யில் உள்ள கட்சித் தலைமை அலுவல​கத்​தில் நேற்று நடந்​தது. இதில், கட்சி​யின் பொதுச்செயலாளர் பழனிசாமி மற்றும் மாநில நிர்​வாகிகள் பங்கேற்​றனர். முன்னதாக செய்தி​யாளர்​களிடம் பழனிசாமி கூறிய​தாவது, சட்டப்​பேர​வை​யில் பேரவைத் தலைவர் வாசித்த ஆளுநரின் உரைக்கு பதில் அளித்து முதல்வர் ஸ்டா​லின் பல்வேறு கருத்துகளை தெரி​வித்​துள்ளார். அந்த உரை மீது நான் நேற்று முன்​தினம் சட்டப்​பேர​வை​யில் பேசும்​போது, “2021 தேர்​தலில் திமுக அறிவித்த வாக்​குறு​தி​களில் 20 சதவீதமே நிறைவேற்​றப்​பட்​டுள்​ளது. 80 சதவீதம் நிறைவேற்​ற​வில்லை. அதில் நீட் தேர்வு ரத்தும் ஒன்று” என தெரி​வித்​தேன். இதற்கு பதில் அளித்த முதல்​வர், “நீதி​மன்​றத்​தில் வழக்கு உள்ளது. மத்திய அரசு நினைத்​தால் தான் ரத்து செய்ய முடி​யும்” என்றார். இதுதான் திமுக​வின் இரட்டை வேடம். அரசின் வருவாயை அதிகரித்து மகளிர் உரிமை தொகை கொடுத்​தால் பரவா​யில்லை. கடன் வாங்கி அந்த தொகையை கொடுக்​கின்​றனர். அந்த கடனை எப்போது திரும்பி செலுத்த முடி​யும் என்ப​தற்கு பதில் இல்லை. திமுக ஆட்சிக்கு வந்தது முதல், 2024-ம் ஆண்டு வரை ரூ.1 லட்சத்து 10 ஆயிரத்து 804 கோடி வருவாய் உயர்ந்​துள்ளது. இந்த பணமெல்​லாம் எங்கே சென்​றது, ரூ.3 லட்சத்து 53 ஆயிரத்து 394 கோடி கடன் வாங்கி உள்ளனர். இவ்வாறு திமுக ஆட்சி​யில் ரூ.4 லட்சத்து 64 ஆயிரத்து 288 கோடியை கொண்டு பெரிய திட்டம் எதுவும் செயல்​படுத்​தவில்லை. இந்திய அளவில் கடன் வாங்​கு​வ​தில் தமிழகம் முதலிடத்​தில் உள்ளது. பொள்​ளாச்சி பாலியல் வழக்கு நீதி​மன்​றத்​தில் உள்ளது. தீர்ப்பு வரும்​போது உண்மை தெரி​யும். அதிமுக வழக்​கறிஞர் நீதி​மன்​றத்​தில் வழக்கு தொடர்ந்த பிறகு தான் அண்ணா பல்கலைக்கழக பாலியல் வன்கொடுமை வழக்கு வேகமெடுத்​தது. அதிமுக இல்லை என்றால் இந்த வழக்கு கிடப்​பில் போடப்​பட்​டிருக்​கும். அண்ணா நகர் பாலியல் வழக்​கில் யார் குற்றம் செய்திருந்​தா​லும் அதிமுக அரசாக இருந்​திருந்​தால் கடும் நடவடிக்கை எடுத்​திருக்​கும். திமுக அரசுபோல குற்​ற வாளிகளை காப்​பாற்ற மாட்​டோம். அண்ணா பல்கலைக்கழக பாலியல் வழக்​கில் யாரோ ஒரு முக்கிய பிரமுகர் சிக்கி இருப்​பதாக தெரி​கிறது. ஏதோ ஒரு மர்​மம் இருக்​கிறது. ​யார் அந்த சார், என்​பதை ​தான் நாங்​கள் கேட்​கிறோம். இதற்கு ஏன் இவர்​களுக்கு கோபம் வரு​கிறது என்​பது​தான் எங்​கள் சந்​தேகம் என பழனிசாமி கூறினார்​.