போலி ரேஷன் கார்டு, ஆதார் அட்டை தயாரித்த புகாரில்

நாகை மாவட்டம் வேதாரண்யம் தாசில்தார் அலுவலகம் முன்பு உள்ள இ- சேவை மையத்தில், சட்ட விரோதமாக போலி ரேஷன் கார்டு, ஆதார் அட்டை ஆகியவை தயாரிக்கப்படுவதாக, வேதாரண்யம் போலீசருக்கு வந்த தகவலின் பேரில் போலீசார் அதிரடியாக, இ- சேவை மையத்தில் சோதனை செய்தனர். சோதனையில், இ- சேவை மையத்தில், பதுக்கி வைக்கப்பட்டிருந்த போலி ரேஷன் கார்டு, ஆதார் அட்டை ஆகியவை சிக்கியது. இவற்றை தயாரித்தது தொடர்பாக, அகஸ்தியன்பள்ளியை சேர்ந்த ரஞ்சிதம் (42), சித்ரா (31) ஆகிய 2 பெண்களை வேதாரண்யம் போலீசார் கைது செய்தனர். மேலும், போலி ரேஷன் கார்டு, ஆதார் அட்டை தயாரிக்க பயன்படுத்தப்பட்ட கணினி, பிரிண்டர், லேமினேஷன் இயந்திரம் ஆகியவற்றை போலீசார் கைப்பற்றினர். மேலும், இது தொடர்பாக, ஆதம் ஆரிப் முத்தலிப் என்பவரை போலீசார் தேடி வருகின்றனர்.