காளியம்மன் கோயில் திருவிழா ஆலோசனை கூட்டம்

நாமக்கல் மாவட்டம் குமாரபாளையம் காளியம்மன் கோவில் திருவிழா ஆலோசனை கூட்டம் விழாக்குழு தலைவர் குணசேகரன் தலைமையில் நடந்தது. சிறப்பு அழைப்பாளராக நகராட்சி தலைவர் விஜய்கண்ணன் பங்கேற்று பேசினார். இவர் பேசியதாவது: குமாரபாளையம் அனைத்து சமூக காளியம்மன் மகா குண்டம் மற்றும் தேர்த்திருவிழா மிகவும் பிரசித்தி பெற்றது. இந்த ஆண்டு திருவிழாவில் சக்தி அழைப்பு, மகா குண்டம் பூ மிதித்தல், தேர்த்திருவிழா, வாண வேடிக்கை, அம்மன் திருக்கல்யாணம்,  அம்மன் திருவீதி உலா உள்ளிட்ட அனைத்து நிகழ்சிகளையும் சிறப்பாக செய்திட நடவடிக்கை எடுக்க வேண்டும். பொதுமக்கள் அனைவரின் ஒத்துழைப்பும் அவசியம். இவ்வாறு அவர் பேசினார். பிப். 18ல் பூச்சாட்டுதல், பிப். 25ல் மறு பூச்சாட்டு, பிப். 26ல் கொடியேற்றம், மார்ச் 4ல் தேர்கலசம் வைத்தல், அதே நாள் இரவு காவிரி ஆற்றிலிருந்து சக்தி அழைத்தல், மார்ச் 5ல் மகா குண்டம், பூ மிதித்தல், மார்ச் 6ல் அம்மன் திருக்கல்யாணம், தேர்த்திருவிழா, வண்டி வேடிக்கை, மார்ச் 7ல் தேர் நிலை நிறுத்துதல், வாண வேடிக்கை, அம்மன் திருவீதி உலா, மார்ச் 8ல் அம்மனுக்கு மஞ்சள் நீராட்டு, மார்ச் 9ல் அம்மனுக்கு ஊஞ்சல் விழா ஆகிய வைபவங்கள் நடத்துவது என தீர்மானிக்கபட்டது. இதில் நகராட்சி துணை தலைவர் வெங்கடேசன், குண்டம் பராமரிப்பு குழுவினர், பொதுமக்கள், கோயில் பூசாரிகள் சண்முகம், சதாசிவம், சண்முகசுந்தரம் உள்பட பலர் பங்கேற்றனர்.