கணிதமேதை இராமானுஜன் பிறந்தநாள் விழா தேசிய கணிதநாள் போட்டிகள்

அரியலூர், ஜன.22- அரியலூர் மாவட்டம், ஜெயங்கொண்டம், அரசு கலை மற்றும் அறிவியல் கல்லூரியின் கணிதத்துறை சார்பில் கணித மேதை இராமானுஜன் பிறந்தநாள் தேசிய கணிதநாள் விழாவை முன்னிட்டு கல்லூரி மாணவர்களுக்கான பேச்சுப்போட்டி, ஓவியப்போட்டி, கட்டுரைப்போட்டிகள் நடைபெற்றது.ஜெயங்கொண்டம் சட்டமன்ற உறுப்பினர் க.சொ.க. கண்ணன் பல்வேறு கல்லூரிகளிலிருந்து இளநிலை கணிதம் பயிலும் மாணவ-மாணவிகள் கலந்து கொண்ட வினாடி-வினா போட்டியை தொடங்கிவைத்தார். பேச்சுப்போட்டி, ஓவியப்போட்டி, கட்டுரைப் போட்டிகளில் வெற்றிபெற்ற முதல், இரண்டாம் மற்றும் மூன்றாம் இடம் பெற்ற மாணவ-மாணவிகளுக்கும், மேலும் வினாடி-வினா போட்டியில் முதல், இரண்டாம் மற்றும் மூன்றாம் இடம் பெற்ற மாணவ-மாணவிகளுக்கும் மற்றும் பங்குபெற்ற அனைத்து மாணவ-மாணவிகளுக்கும் சான்றிதழும், பரிசும் வழங்கப்பட்டது. இப்போட்டிகளை கல்லூரி முதல்வர் முனைவர் இரமேஷ் வழிகாட்டுதலில், இயற்பியல் துறை இணைப்பேராசிரியர் முனைவர் இராசமூர்த்தி ஒருங்கிணைத்தார். கணிதத்துறை தலைவர் முனைவர் நந்தகுமார் நன்றியுரை வழங்கினார்.