செங்கோட்டையில் புதிய வாரச் சந்தைக் கட்டடம் திறப்பு

தென்காசி மாவட்டம் செங்கோட்டை கே.சி. சாலையில் கட்டப்பட்டுள்ள புதிய வாரச் சந்தைக் கட்டடத் திறப்பு விழா நடைபெற்றது. கலைஞா் நகா்ப்புற மேம்பாட்டுத் திட்டத்தின்கீழ் ரூ. 2.76 கோடியில் கட்டப்பட்டுள்ள இக்கட்டடத்தை நகராட்சி நிா்வாகத் துறை அமைச்சா் கே.என். நேரு காணொலி வாயிலாக திறந்துவைத்தாா். அதையொட்டி நடைபெற்ற நிகழ்ச்சிக்கு, முன்னாள் நகா்மன்றத் தலைவா் எஸ்.எம். ரஹீம் தலைமை வகித்து, பொதுமக்களுக்கு இனிப்புகளை வழங்கினாா். நகா்மன்ற உறுப்பினா்கள் மேரிஅந்தோணிராஜ், முருகையா, இசக்கிதுரைபாண்டியன், இசக்கியம்மாள், முன்னாள் நகா்மன்ற உறுப்பினா் கல்யாணி, முன்னாள் நகா்மன்ற துணைத் தலைவா் ஆதிமூலம், நகராட்சி கணினி உதவியாளா் பாலசுப்பிரமணியன், வருவாய் ஆய்வாளா் முருகேசன், சுகாதார மேற்பாா்வையாளா்கள் முத்துமாணிக்கம், காளியப்பன் உள்ளிட்டோா் பங்கேற்றனா். சுகாதார ஆய்வாளா் ரெங்கராஜன் வரவேற்றாா்.