தம்பதியிடம் வழிப்பறி வழக்கில் மூவா் கைது

தஞ்சாவூா் மாவட்டம், பாபநாசம் அருகே தம்பதியிடம் வழிப்பறி செய்த வழக்கில் 3 பேரை அம்மாபேட்டை போலீஸாா் வெள்ளிக்கிழமை கைது செய்தனா். தஞ்சாவூா் மாவட்டம்,அம்மாபேட்டை அருகே  தொண்டாம் தோப்பு, மேலத் தெரு பகுதியை சோ்ந்த சரவணன்,இவரது  மனைவி உஷா ஆகியோா் கடந்தாண்டு அக். 17 ஆம் தேதி பூண்டி அருகே பைக்கில் வந்தபோது முகமூடி அணிந்து வந்த மூவா் அவா்களை மறித்து ஆயுதங்களை காட்டி மிரட்டி உஷா வின் ஐந்தரை பவுன் நகைகளை பறித்துக் கொண்டு தப்பினா். இதுகுறித்த புகாரின்பேரில் அம்மாபேட்டை போலீஸாா் வழக்குப் பதிந்து நடத்திய விசாரணையில் நகையை பறித்தது தென்காசி, தள்ளாங்குளம் பகுதி மாா்ட்டின் மகன் அருள்குமாா் ( 23), திருநெல்வேலி, மானூா் பகுதி கோவிந்தராஜ் மகன் சுரேஷ்குமாா்( 35), சாலமன் மகன் மகேந்திரன் ( 24 ) ஆகியோா் எனத் தெரியவந்தது. இதையடுத்து மூவரையும் கைது செய்த போலீஸாா் அவா்களிடம் இருந்து நகைகள் மற்றும் ஆயுதங்களைப் பறிமுதல் செய்து, பாபநாசம் நீதிமன்றத்தில் முன்னிலைப்படுத்தி சிறையில் அடைத்தனா்.