காவல் உயர் அதிகாரிகளின் ஆலோசனை கூட்டம்

மதுரை மாநகர காவல் ஆணையர் அலுவலகத்தில் நேற்று ( மார்ச்.6)தமிழக காவல்துறை இயக்குநர் சங்கர்ஜிவால் இ.கா.ப., அவர்கள் தலைமையில், மதுரை மாநகர், மதுரை மாவட்டம் மற்றும் விருதுநகர் மாவட்ட காவல் அதிகாரிகளுடன், போக்சோ, பெண்கள் மீதான வன்கொடுமை, சைபர் கிரைம் குற்றங்கள், போதை வஸ்துகள் விற்பனையை தடுப்பது, பொதுமக்கள் - காவல்துறை நட்புறவு பேணுவது, காவல்துறையினரின் மன அழுத்தம் போக்குவது மற்றும் சட்டம்&ஒழுங்கு குற்ற சம்பவங்களை கட்டுப்படுத்துவது தொடர்பான ஆலோசனைக்கூட்டம் நடைபெற்றது. இந்நிகழ்ச்சியில் மதுரை மாநகர காவல் ஆணையர், தென்மண்டல காவல் துறை தலைவர், மதுரை, விருதுநகர் மாவட்ட காவல் கண்காணிப்பாளர்கள், மாநகர காவல் துணை ஆணையர்கள் மற்றும் காவல் அதிகாரிகள் பங்கேற்றனர்.