இஸ்ரோ அலுவலக டிரைவர் மர்ம சாவு

கேரள மாநிலம் திருவனந்தபுரம் பகுதியை சேர்ந்தவர் ஸ்ரீனிவாசன் (59).திருவனந்தபுரத்தில் உள்ள இந்திய விண்வெளி ஆராய்ச்சி மைய அலுவலகத்தில் டிரைவர் ஆக வேலை பார்த்து வந்தார். இவரது மனைவி லதா (51). இவருக்கு குமரி மாவட்டம்  மார்த்தாண்டத்திலும் சொந்தமாக வீடு உள்ளது.  ஸ்ரீனிவாசன் அடிக்கடி மார்த்தாண்டம் வந்து தங்குவது வழக்கம். இவருக்கு குடிப்பழக்கம் உண்டு.        சமீபத்தில் மார்த்தாண்டத்துக்கு வந்துள்ளார். அதன் பிறகு அவர் கேரளாவுக்கு திரும்பி செல்லவில்லை. நேற்று அவரது மனைவி லதா நீண்ட நேரமாக ஸ்ரீனிவாசனை செல்போனில் தொடர்பு கொண்டார். ஆனால் போனை அவர் எடுக்கவில்லை. இதையடுத்து லதா உடனே புறப்பட்டு மார்த்தாண்டத்தில் உள்ள வீட்டிற்கு வந்துள்ளார்.        பின்னர் வீட்டுக்குள்ளே சென்று பார்த்த போது மயங்கிய நிலையில் ஸ்ரீனிவாசன் கிடந்ததை கண்டு அதிர்ச்சி அடைந்தார். உடனே அவரை மீட்டு சிகிச்சைக்காக குழித்துறை அரசு மருத்துவமனை கொண்டு சென்றார். அங்கு அவரை பரிசோதித்த டாக்டர்கள் ஸ்ரீனிவாசன் ஏற்கனவே இறந்துவிட்டதாக தெரிவித்தார்.        இது குறித்த புகாரின் பேரில் மார்த்தாண்டம் போலீசார் வழக்கு பதிவு செய்தனர். ஸ்ரீனிவாசன் அதிக அளவு மது குடித்ததால் இறந்தாரா? அல்லது வேறு ஏதும் காரணமா?  என்பதை குறித்து போலீசார் விசாரணை நடத்தி வருகின்றனர்.