விடுதலைச் சிறுத்தைகள் கட்சி சார்பில் முகாம் செயற்குழு கூட்டம்

விடுதலைச் சிறுத்தைகள் கட்சி, கரூர் கிழக்கு மாவட்டம், தோகைமலை மேற்கு ஒன்றியம், கூடலூர் ஊராட்சி பொம்மாநாயக்கன்பட்டியில் முகாம் செயற்குழு கூட்டம் நேற்று இரவு நடைபெற்றது. முகாம் பொறுப்பாளர் ரவிச்சந்திரன் தலைமை வகித்தார். முருகேசன் வரவேற்புரை நிகழ்த்தினார். சட்டமன்றத் தொகுதி துணை செயலாளர் லட்சுமணன் முன்னிலை வகித்தார். மாவட்ட அமைப்பாளர் பாலகுமார், மாவட்டத் துணை அமைப்பாளர் ராமன், ஒன்றிய செயலாளர் ராஜ்குமார் நோக்க உரையாற்றினர். ஒன்றிய பொருளாளர் மகாதேவன் விளக்க உரையாற்றினார். ஒன்றிய துணை செயலாளர் மலை வேல், ஒன்றிய அமைப்பாளர் கலைவாணன், ஒன்றிய துணை அமைப்பாளர் சரத்குமார், சங்கப் பிள்ளை, கிருபாகரன் ஸ்டாலின் ஆகியோர் விளக்க உரையாற்றினர். காளியப்பன், முத்துசாமி முருகேசன் ஆகியோர் கருத்துரை வழங்கினர். திருச்சி கரூர் மண்டல செயலாளர் தமிழாதன், கிழக்கு மாவட்ட செயலாளர் சக்திவேல் சிறப்புரை வழங்கினார். முடிவில் பேரூர் முகாம் பொறுப்பாளர் மயில்ராஜ் நன்றி உரையாற்றினார். இந்நிகழ்வில் கூடலூர் ஊராட்சி முகாம் பொறுப்பாளர்கள், மகளிர் அணியினர், மற்றும் உறுப்பினர்கள் என பலர் கலந்து கொண்டனர்.