சடலமாக கிடந்த வட மாநில தொழிலாளி

நீலகிரி மாவட்டம் குன்னூர் மேட்டுப்பாளையம் தேசிய நெடுஞ்சாலை மரப்பாலம் பகுதியில் தனியார் தேயிலைத் தோட்டத்தில் பணி புரிய ஒடிசா மாநிலத்தில் இருந்து வந்து நரேந்திரன் (42) வீரேந்திரன் ஆகியோர் இருவர் கடந்த ஒரு வாரமாக பணியாற்றி வந்த நிலையில் அவர்களுக்கு தங்குவதற்காக மரப்பாலம் பகுதியில் தோட்ட நிர்வாகம் சார்பாக தங்குவதற்கு வீடு ஒதுக்கப் பட்டிருந்தது இந்நிலையில் இன்று நரேந்திரன் பணிக்கு வராததால் மேலாளர் வீட்டுக்கு வந்து பார்த்தபோது நரேந்திரன் கழுத்து அறுக்கப்பட்டு ரத்த வெள்ளத்தில் பிணமாக கிடந்ததை பார்த்து அதிர்ச்சி மேலாளர் உடனடியாக குன்னூர் காவல்துறைக்கு தகவல் கொடுத்தார்.இதனை தொடர்ந்து குன்னூர் டிஎஸ்பி ரவி தலைமையில் இன்ஸ்பெக்டர் சதீஷ் மற்றும் போலீசார் விரைந்து வந்து நரேந்திரனின் உடலையும்,ரத்த கரை படிந்துள்ள அரிவாள் ஆகியவற்றை கைப்பற்றி விசாரணை மேற்கொண்டனர். மேலும் இது தொடர்பாக மாவட்ட எஸ் பி என் எஸ் நிஷா சம்பவ இடத்திற்கு வந்து ஆய்வு மேற்கொண்டு அதிகாரிகளுக்கு அறிவுரை வழங்கி சென்றார்.மேலும் மோப்ப நாய் வரவழைக்கப்பட்டது. இந்த மோப்பநாய் சம்பவ இடத்திலிருந்து சுமார் இரண்டு கிலோமீட்டர் தூரம் மலைப்பாதையில் வேகமாக சென்று நின்றுவிட்டது. இது குறித்து குன்னூர் போலீசார் வழக்கு பதிவு செய்து நரேந்திரனின் உடலை பிரேத பரிசோதனைக்காக குன்னூர் அரசு மருத்துவமனைக்கு அனுப்பி வைத்தனர்.இந்த கொலை வழக்கை பல்வேறு கோலங்களில் போலீசார் விசாரணை மேற்கொண்டு வருகின்றனர்.இந்தக் கொலை சம்பவத்தால் இன்று குன்னூர் மேட்டுப்பாளையம் தேசிய நெடுஞ்சாலையில் பெரும் பரபரப்பு நிலவியது.