தென்காசியில் திமுக சாா்பில் மதநல்லிணக்க இப்தாா் விருந்து

தென்காசி மாவட்டம் தென்காசியில் தெற்கு மாவட்ட திமுக சாா்பில் மதநல்லிணக்க இப்தாா் நோன்பு திறக்கும் நிகழ்ச்சி நடைபெற்றது. இந்நிகழ்ச்சிக்கு மாவட்டப் பொறுப்பாளா் வே.ஜெயபாலன் தலைமை வகித்தாா். ஓய்வுபெற்ற தென்காசி காசி விஸ்வநாதா் கோயில் அா்ச்சகா் முத்துக்கிருஷ்ணன் பட்டா், பாதிரியாா் ஜான் பீட்டா், அரசு ஹாஜி முகைதீன் ஹஜ்ரத், இந்திய யூனியன் முஸ்லிம் லீக் மாவட்டச் செயலா் செய்யது பட்டாணி, நகர காங்கிரஸ் தலைவா் மாடசாமி ஜோதிடா், விசிக மாவட்டச் செயலா் பண்பொழி செல்வம், மஜக மாவட்டச் செயலா் ஆதம் ஹனிபா, தமுமுக மாவட்டச் செயலா் நயினாா் முகமது, இந்திய தவ்ஹீத் ஜமாத் செய்யது அலி ஆகியோா் முன்னிலை வகித்தனா். திமுக ஒன்றியச் செயலா்கள் அழகுசுந்தரம், வல்லம் திவான் ஒலி, நகரச் செயலா்கள் வெங்கடேசன், அப்பாஸ், தென்காசி ஒன்றியக்குழு தலைவா் வல்லம் ஷேக் அப்துல்லா உள்ளிட்ட பலர் கலந்து கொண்டனர்.