கருணாநிதி டோல்கேட் என பெயர் மாற்றம் இல்லை

திருச்சி கிழக்கு சட்டமன்றத் தொகுதிக்குட்பட்ட TVS டோல்கேட் பகுதியை, “TVS டோல்கேட்” என அழைக்கப்படுவதனை மாற்றி, “கலைஞர் டோல்கேட்” எனப் பெயர் மாற்றம் செய்யப்படும் என நேற்று நடைபெற்ற மாநகராட்சி வரவு செலவு விவாத கூட்டத்தில் தீர்மானம் நிறைவேற்றப்பட்டது. இதற்கு எதிர்ப்பு தெரிவித்து அதிமுக சார்பில் அதிமுக மாமன்ற குழுத்தலைவர் கோ.கு. அம்பிகாபதி,கவுன்சிலர் மற்றும் கவுன்சிலர் அனுசுயா ஆகியோர் மாமன்ற கூட்டத்தில் இருந்து வெளிநடப்பு செய்தனர். தொடர்ந்து பல தரப்பினரும் டிவிஎஸ் டோல்கேட் பெயர் மாற்றத்திற்கு எதிரிப்பு எழுந்த நிலையில் தற்போதுள்ள டி.வி.எஸ். டோல்கேட் என்ற பெயரிலேயே தொடர்ந்து அழைக்கப்படும் எனத் திருச்சி மாநகராட்சி ஆணையர் சரவணன் அறிக்கை வெளியிட்டுள்ளார்.