பள்ளப்பட்டியில் நகர ஐக்கிய ஜமாத் சார்பில் ரம்ஜான் சிறப்பு தொழுகை .

பள்ளப்பட்டியில் நகர ஐக்கிய ஜமாத் சார்பில் ரம்ஜான் சிறப்பு தொழுகை . ஆண்டுதோறும் ரமலான் மாதத்தில் 30 நாட்கள் முஸ்லிம்கள் நோன்பு இருந்து இறைவனை மனம் உருகி வழிபடுவர். நோன்பின் முடிவில் ஈகை திருநாளான ரம்ஜான் பண்டிகை கொண்டாடப்படுகிறது. அரவக்குறிச்சி சட்டமன்ற தொகுதிக்குட்பட்ட பள்ளப்பட்டி பகுதி கரூர் மாவட்டத்திலேயே அதிகம் இஸ்லாமியர்கள் வசிக்கும் பகுதியாக உள்ளது. இன்று ரம்ஜான் பண்டிகையையொட்டி நகர ஐக்கிய ஜமாத் சார்பில், ஈத்கா திடல் மைதானத்தில் சிறப்பு தொழுகை நடைபெற்றது. இதில் ஏராளமான இஸ்லாமியர்கள் பங்கேற்று தொழுகை நடத்தினர். பெருநாள் சிறப்பு தொழுகை முடிந்து இஸ்லாமியர்கள் ஒருவொருக்கொருவர் கட்டியணைத்தும், கைகொடுத்தும், ரம்ஜான் வாழ்த்துகளை பகிர்ந்துகொண்டனர். 50க்கும் மேற்பட்ட போலீசார் பாதுகாப்பு பணியில் ஈடுபட்டனர்.