நீலகிரியில் இன்று முதல் புதிய கட்டுப்பாடுகளுடன் இ-பாஸ் நடைமுறை அமல் .

நீலகிரியில் இன்று முதல் புதிய கட்டுப்பாடுகளுடன் இ-பாஸ் நடைமுறை அமல் . நீலகிரி மாவட்டம் நாடுகாணி சோதனை சாவடியில் 2 கிலோ மீட்டர் தூரம் அணிவகுத்து நிற்கும் வாகனங்களால் போக்குவரத்து நெரிசல் ஏற்பட்டுள்ளது . உச்சநீதிமன்ற உத்தரவுப்படி நீலகிரியில் இன்று முதல் புதிய கட்டுப்பாடுகளுடன் இபாஸ் அமலுக்கு வந்துள்ளது இதனால் நீலகிரிக்கு வரும் சுற்றுலா பயணிகள் அனைவரும் இ-பாஸ் பதிவு செய்த பின்பு நீலகிரிக்குள் அனுமதிக்கப்படுவார்கள் . நாளொன்றுக்கு 6000 வாகனங்கள் வார இறுதி நாட்களில் 8000 வாகனங்கள் நீலகிரிக்குள் செல்ல அனுமதி அளிக்கப்பட்டுள்ளது . இந்த நிலையில் முதல் நாளான இன்று நீலகிரி கேரளா எல்லையில் உள்ள நாடு காணி சோதனை சாவடியில் ஏராளமான வாகனங்கள் குவிந்தன . சுமார் சோதனை சாவடியில் இருந்து கேரள மாநிலம் செல்லக்கூடிய சாலையில் இரண்டு கிலோ மீட்டர் தூரம் வரை வாகனங்கள் அணிவகுத்து நிற்கின்றன . இ-பாஸ் பதிவு செய்து வருபவர்கள் சோதனைக்கு பின்னரே மாவட்டத்திற்குள் அனுமதிக்கப்படுவதால் சோதனை சாவடிகளில் காலதாமதம் ஏற்படுகிறது இதனால் வாகனங்கள் அணிவகுத்து நிற்கின்றன இதனால் கடும் போக்குவரத்து நெரிசல் ஏற்பட்டுள்ளது .