நாகர்கோவில் ஜவுளி வியாபாரி கைது

ஈரோடு முனிசிபல் காலனி வைரம் தெருவை சேர்ந்தவர் கார்த்திகேயன் (36). ஜவுளி மொத்த விற்பனை நிறுவனம் நடத்தி வருகிறார். கன்னியாகுமாரி மாவட்டம் நாகர்கோவில் கோட்டார், லாலா புதுவீதியைச் சேர்ந்தவர் ராம்குமார் என்கிற ராமசாமி (48). இவர் ஜவுளி மற்றும் கைத்தறி துணிகளை பல்வேறு ரகங்களில் தவணை முறையில் ரூ.4.30 லட்சம் ரூபாய்க்கு கார்த்திகேயனிடமிருந்து மொத்தமாக வாங்கியுள்ளார். இதற்கான பாக்கி தொகையை பலமுறை கேட்டும் அனுப்பவில்லை. இந்நிலையில் ராம்குமார் கடந்த 2019 டிசம்பர் மாதம் தலா 50 ஆயிரம் ரூபாய் மதிப்பில் இரு காசோலைகளை கார்த்திகேயனிடம் தந்துள்ளார். ஆனால் இரு காசோலைகளிலும் பணம் எடுக்க முடியாதபடி செய்ததால் கார்த்திகேயனால் பணம் பெற இயலவில்லை. தன்னை ஏமாற்றும் நோக்கத்தில் காசோலை மோசடி செய்ததால் கார்த்திகேயன் ஈரோடு விரைவு நீதிமன்றம் எண் 1-ல் வழக்கு தொடர்ந்தார். வழக்கில் இறுதி விசாரணை முடிந்து கடந்த ஆண்டு நவம்பர் 8ஆம் தேதி மாஜிஸ்திரேட் முனிக்குமார் தீர்ப்பு அளித்தார். காசோலை மோசடி செய்த ராம்குமாருக்கு 3 மாத சிறை தண்டனை, பாதிக்கப்பட்ட கார்த்திகேயனுக்கு 3 மாதத்தில் இழப்பீடு தொகை 1 லட்சம் ரூபாய் வழங்க உத்தரவிட்டார். இழப்பீடு தொகை செலுத்த தவறினால் கூடுதலாக ஒரு மாதம் சுரண்டனை அனுபவிக்க தீர்ப்பளித்தார். 3 மாதமாக இழப்பீடு தொகை வழங்காமல் ராம்குமார் தலைமறைவாக இருந்தார். இந்த நிலையில் ஈரோடு வந்த ராம்குமாரை தாலுகா போலீசார் கைது செய்தனர். பின்னர் அவர் நீதிமன்றத்தில் ஆஜர்படுத்தி கோவை மத்திய சிறையில் அடைத்தனர்.