கோவில் திருவிழாவை முன்னிட்டு மாட்டுவண்டி பந்தயம்

சிவகங்கை மாவட்டம், நகரம்பட்டியில் காளியம்மன் கோயில் திருவிழாவை முன்னிட்டு, மாட்டு வண்டிப் பந்தயம் நடைபெற்றது. பெரிய மாடு, சிறிய மாடு என இரண்டு பிரிவுகளாக நடைபெற்ற இந்த மாட்டு வண்டிப் பந்தயத்தில் பெரிய மாடு 6 ஜோடிகளும், சிறிய மாடு 10 ஜோடிகளும் என மொத்தம் 16 ஜோடி மாடுகள் பங்கேற்றன. சொக்கநாதபுரம் சாலையில் நடைபெற்ற மாட்டு வண்டி எல்லைப் பந்தயத்தில், பெரிய மாட்டுக்கு 8 கி.மீ. தொலைவும், சிறிய மாட்டுக்கு 6 கி.மீ. தொலைவும் எல்லைகளாக நிா்ணயிக்கப்பட்டன. இந்த மாட்டுவண்டிப் பந்தயத்தில் முதல் 4 இடங்களை பிடித்த மாட்டு வண்டியின் உரிமையாளருக்கும், சாரதிக்கும் ரொக்கப் பரிசு வழங்கி கௌரவிக்கப்பட்டது. இந்த பந்தயத்தை மதகுபட்டி, நகரம்பட்டி, பாகனேரி, சொக்கநாதபுரம், சுற்று வட்டாரப் பகுதிகளைச் சோ்ந்த பொதுமக்கள் சாலையின் இருபுறங்களில் நின்று கண்டு ரசித்தனா்.